Joan den maiatzaren 12tik, Usoak Irungo PROELEKen praktikak egiteko aukera du. Enpresa horrek Pauso Berriak (Atzegi + Gureak) programa babesten eta horretan konfiantza izaten jarraitzen du 2019tik.

 

Hasierako urduritasuna atzean geratu da, eta Usoa pozik dago taldekideekin. 

 

Hainbat laguntza-lan egiten ditu, administrazio-sailarekin lankidetzan, hala nola dokumentazioa eskaneatzea eta artxibatzea, fisikoa zein digitala. Gainera, biltegian, kutsatu gabeko kartoia eta plastikoa birziklatzen eta biltegiratutako materiala antolatzen parte hartzen du.

 

"Gehien gustatzen zaidana ikasten ari naizen guztia da, eta zein independente bihurtzen ari naizen", kontatu digu Usoak irribarre handi batekin bere praktikei buruz galdetu diogunean.

 

Pauso Berriak (Atzegi + Gureak) programatik eskerrak eman nahi dizkiogu PROELEKi bere inplikazio eta konpromisoagatik.
Eta, bereziki, eskerrak eman nahi dizkiegu Usoari egunerokoan laguntzen dioten pertsona guztiei: Leire, Ainhoa, Iraitz, Koro, Amaia, Elena eta Sergio, beren harrera beroagatik eta lan-ingurunean sartzen laguntzeagatik.