Maitek berriro ekin die, Zerbitzu Okupazionalaren esparruan, Jose Arana egoitzan egiten zituen garbitegi eta jangelako lanei. Lankide eta egoiliarrekin berriro elkartzeko irrikan zegoen Maite, zein azkar pasatzen zaion denbora toki batean hain gustora egonaz! 

Zenbat ikasi dugun ibilbide hau zurekin hasi genuenetik Maite. Gogotsu ari zara aurre egiten etapa berri honi, ausardiaz eta ilusioz.

Badakigu zein egoera latza bizi duten egoitzek osasun-krisiaren ondorioz eta aldi berean, egoitzan egiten duzuen lan miresgarriak duen balioa.

Pauso Berriak programatik (Atzegi + Gureak), eskerrak eman nahi dizkiogu Jose Arana egoitzari Maiterentzat ametsa zirudiena egia bihurtzen laguntzeagatik, bereziki egoitzako zuzendaritzari, jantokiko eta garbitegiko arduradunei eta egoitzako langile guztiei.

Eskoriatzako Udalari ere eskerrak eman nahi dizkiogu erakutsitako inplikazioagatik.

Harro gaude zutaz Maite! Segi horrela!


______________________________________________________________________________
Eskerrik asko zure sare sozialetan aipatzeagatik
Hastag: Hastag: #pausoberriak #inklusioa #GaitasunakLantzen #adimendesgaitasuna

Twitter: @atzegi @grupogureak
Facebook: @atzegi @grupogureak
Instagram: @atzegi
Linkedin: @gureak