Amaia Calvillo K6 Gestión Cultural bulegoan Pauso Berriak (Atzegi + Gureak) programaren bidez egiten dituen praktiketara itzultzeko irrikitan zegoen.

Konfinamendua gogorra izan da, baina K6ko lagunekin izan duen kontaktuari esker, apur bat hobeto eraman du. Lan batzuekin lagundu du, bere lagunekin hamaiketako birtualak egin ditu eta Karaokean ere abestu dute.
Gogo handia zuen itzultzeko eta bere lagun guztiekin elkartzeko. Azkenean eguna iritsi da.

Eskerrak eman nahi dizkiogu K6ri Amaia bere praktiketara itzultzea errazteagatik eta beti eransten duen balioan pentsatzeagatik.