Pasaden urtarrilaren 7a egun oso berezia izan zen Jon Lopezentzat. Pauso Berriak (Atzegi+Gureak) programaren bitartez Arrasateko Kabia Iturbe egoitzan hasi zituen bere praktikak.

Jon aste hauetan egoitzako egin behar ezberdinetan esperientzia eta konfiantza hartzen joan da. Ilusio eta poz handiz betetzen ditu bere eginkizunak. Egin behar horien artean Jonek egoitzako erabiltzaileak alde batetik bestera eramaten laguntzen du. Baita Kabia Iturbe egoitzan antolatzen diren ekitaldi ezberdinetan ere.

Kabia egoitzako erabiltzaileak oso pozik daude Jonek egunero azaltzen dien irribarre eta goxotasunagatik.

Berak azaltzen duen bezala: “Laguntzea gustatzen zait”

Aipatzekoa da Jonen esperientzia, hiru urtez Kabia Iturbe egoitzan daraman Martin Etxaberen esperientziari batzen da. Hori dela eta Arrasateko Kabia Iturbe egoitzari eta bereziki bertako lan taldeari eskerrak eman nahi dizkiogu.

Zorte on Jon!!

Eskerrik asko!!